त्रिशूली नदीले सडक कटान गर्दा मुग्लिन–नारायणगढ सडक एकतर्फी अवरुद्ध

भरतपुर, असोज ११ । मुग्लिन–नारायणगढ सडकखण्डअन्तर्गत सिमलतालमा त्रिशूली नदीले सडक कटान गर्दा सडकको करिब आधा भाग भासिएको छ।
सडक डिभिजन भरतपुरका अनुसार आइतबार बिहान ८ः४५ बजेको अपडेटअनुसार नदी कटानका कारण उक्त स्थानमा सडक एकतर्फी रूपमा अवरुद्ध भएको हो।
सडकको बाँकी भागबाट सवारीसाधन सञ्चालन भइरहे पनि भासिएको सडकका कारण यातायात प्रभावित भएको छ। सडक डिभिजनले अवस्था हेरेर आवश्यक व्यवस्थापन तथा मर्मतको काम अघि बढाउने जनाएको छ।